МҰҒалім көшбасшылығын дамыту сапалы білім негізі



жүктеу 1.62 Mb.
Pdf просмотр
бет4/13
Дата11.01.2017
өлшемі1.62 Mb.
1   2   3   4   5   6   7   8   9   ...   13

3 тәжірибе:

Ауа сиқыршысы:

            –Стақандағы суда толқын қалай пайда 

болды? Түтікшенің ішіне ауа қайдан келді?

            Қортынды:ауа біздің ішімізде де бар.

           Жақсы балалар, жаттығу жасап жіберейік.

            СЕРГІТУ СӘТІ:

Таза ауада дем алып,

Шынығамыз жаттығып

Айналаны қорғаймыз,

Күл - қоқыстан тазартып.

            4 тәжірибе:

Ауа сиқыршысы:

            -Қалай ойлайсыңдар, ауаның иісі болуы 

мүмкін бе? Оны тексеріп көруге болады. Көздеріңді 

жұмып, мен әрқайсыңның қастарыңа келіп 

айтқанда, иіскеп, ненің иісін сезгендеріңді айтатын 

боласыңдар. 

            Ауа сиқыршысы әр баланың қасына келіп, әр

түрлі заттарды, тағамды иіскетеді.

           –Кім не сезді? Малика сен не сездің? Неге 

сен ештеме сезбедің, балалар қалай ойлайсың? 

Дұрыс айтасың, мен Маликаға ештеме иіскеткен 

жоқпын. Ол ауаны иіскеді. Осыдан қандай 

қортынды шығаруға болады?

           Қортынды:ауаның өзінің иісі жоқ. Әр заттың

өзіне тән иісі болады.

5 тәжірибе:

Тәрбиеші ортаға су құйылған леген әкеліп қояды. 

-Мына легенді теңіз екендеп елестетіңдер. Енді 

теңізге кешегі жасаған кемелерімізді жіберейік. 

Кемелеріміз теңізде жүзіп келеді, кенеттен қатты 

дауыл тұрды. Қане дауыл тұрғызайық.

-Дауылдың не екенін кім біледі? (Ауаның 

қозғалысы) Дұрыс айтасыңдар. Ендеше біз бұдан 

қандай қортынды шығарамыз?

           -Қортынды:ауаның заттарды қозғайтын 

қалталарды алып, ауамен толтырады.

-Өйткені менің пакетім тесік. Ауа 

тесіктен шығып кете береді.

Балалар үстелге келіп, орындарына 

отырады.

Балалардың жауаптары.

Балалардың жауаптары.

-Жоқ.


-Өйткені ол-түссіз. 

-Шыны, су.

Балалар су құйылған стақан мен 

түтікшелерді алады да, үрлейді.

Балалардың жауаптары.

Балалар сергіту сәтін жасайды.

Балалардың жауаптары.

Балалар көздерін жұмып,әр түрлі 

заттарды иіскейді.

Балалардың жауаптары.

-Мен ештеңе сезбедім.

Балалардың жауаптары.

Балалар қағаз кемелерін суға 

жібереді.Балалар қолдарын сермейді,

кемеге үрлейді.

Балалардың жауаптары.

Балалар ауа туралы тақпақ оқып 

береді.


қасиеті бар.

Тәрбиеші:

-Ауа сиқыршысы біздің балалар ауа туралы тақпақ 

та біледі.



1 бала:Тіршілікте не дейсің ғой ең қымбат?,

Тіршілікте адам қымбат сен қымбат.

Ал адамға ауа қымбат бәрінен,

Ауа қымбат алатұғын дем қымбат. 



2 бала:Жадыраған күндейміз,

Жайнап өскен гүлдейміз

Тұнық таза ауамыз,

Сылдырлаған сумыз біз, тазамыз.

Ауа сиқыршысы:

Рефлексивті 

коррекциялаушы

-Рахмет сендер өте ақылды балалар екенсіңдер. 

Сендер бүгін жақсы жұмыс істедіңдер. Сол үшін 

сендерді мынадай медальдармен марапаттағым 

келеді.

-Ал енді көздеріңді жұмыңдар, өз балабақшаларыңа



қайтасыңдар. Мен сендермен қоштасамын. Сау 

болыңдар! 

Сиқыршы сиқырлы таяғымен балаларды сиқырлап, 

шығып кетеді. 

Тәрбиеші:

- Балалар, біз қандай жұмыстар жасадық?

- Ауа не үшін қажет?

- Ауа қай жерлерде болады?

- Жан - жағымыздан ауаны неге көрмейміз?

- Ауа қасиеттерін ата?

Балалар сиқыршымен қоштасады.

Күтілетін нәтиже: 

Білу керек: Ауасыз тіршілік жоқ, жел, дауыл - ауаның қозғалысы екенін білді.

Игеру керек: Ауаның әр түрлі қасиеті бар екенін игерді. 

Не істей алады: Балалар ауаның қасиеттерімен танысу үшін тәжірибе жасай алады.

* * * *


САБАҚТЫҢ ТАҚЫРЫБЫ: МЕТАЛЛУРГИЯ ЖӘНЕ МАШИНА ЖАСАУ ӨНЕРКӘСІБІ 

Мамытбаева Ғалия Өкенқызы.  №47 орта мектеп, география пәнінің мұғалімі.  Тараз қаласы

Сабақтың тақырыбы: Металлургия және машина жасау өнеркәсібі 

Сабақтың мақсаты: 1.Білімділік: Металлургия және машина жасау өнеркәсібі туралы түсінік беру.

 2.Дамытушылық: Оқушылардың ой- өрісін,зейінін, шығармашылық қабілетін дамыту.

 3.Тәрбиелік: Ұқыптылыққа, өздігінен іздене білуге үйрету. 

Сабақтың көрнекілігі: Дүниежүзінің саяси картасы,кестелер,сызба-нұсқалар,  интерактивті тақта.

Сабақтың типі: Жаңа сабақты меңгерту.  Сабақтың түрі: аралас сабақ.

Сабақтың барысы: 

I.Ұйымдастыру кезеңі.Оқушыларға қажетті құрал жабдықтарын дайындап,сабаққа назарларын аудару.

II.Үй тапсырмасын сұрау.

1.Өнеркәсіптің дамуына қандай факторлар әсер етеді?

2.Өндіруші және өңдеуші өнеркәсіптің қандай айырмашылықтары бар?

3.Өңдеуші өнеркәсіптің қандай түрлерін білесіңдер?

4.Отын энергетика кешені қандай салалардан тұрады?

5.Мұнай өнеркәсібі бойынша жетекші орын алатын ұлтаралық компанияларды ата.

6.Газ өнеркәсібі қай кезден бастап өркендей бастады?

7.Көмірді өндіретін жетекші елдерді ата.

8.Электр энергиясын өндіру мен тұтынудың аумақтық айырмашылықтары немен түсіндіріледі?

III. Үй тапсырмасын қорытындылау.

IV.Жаңа сабақты меңгерту.

«Ой қозғау» 

1.Қара металлургияның негізгі шикізаты. . 

2.Темірден алынатын өнім.

3.Кокс дегеніміз не?

4.Түсті металлургияның негізгі салалары.

5.Машина жасау өнеркәсібінің салалары.

6.Машина жасау өнеркәсінің негізгі шикізаты.

7.Мамандану дегеніміз не?

8.Кооперативтендіру дегеніміз не?

Металлургия. Өңдеуші өнеркәсіптің бұл саласы күрделі технологиялық сатылардан: кен өндіру, бастапқы металды бөліп 

алу,алынған металдың сапасын жақсарту және т.б тұрады. Қара металлургия өндірістің басқа салаларымен (тау-

кен,көмір,энергетика,түсті металлургия,химия) тығыз баланысты.Қазіргі кезде дүние жүзі бойынша жылына 0,85-1 

млрд.т темір кені өндіріледі.Темір кенін сыртқа шығарудан Бразилия, Австралия, Қытай,Үндістан айрықша көзге 

түседі.Дүние жүзі жылына шамамен 800 млн.т болат балқытылады,оның 80 % дамыған елдер үлесіне тиесілі. Жапония 

болат өндіруден дүние жүзінде жетекші орын алады.Шойын балқытудан шикізат қоры жеткілікті Қытай 1 орынға, болат 

өндіруден 2 орынға шықты.



Түсті металлургия өндірісі кең құрамынан 70 - тен астам түсті металдарды бөліп алады,өнім көлемі жылына 20 

млн.тоннаны құрайды.Түсті металлургия өндірілуі жағынан жетекші орын алатыны - алюминий.Алюминий алудың 

технологиясы күрделі,сондықтан өндірістің жеке сатылары әр түрлі елдерде тіпті аймақтарда орналасады.Алюминий 

өндірісінің алғашқы сатысы – боксит өндіру,негізінен Аустралия,Гвинея және Ямайка,Бразилияның бай кен орындарына 

шоғырланған; екінші сатысы (алюминий оксидін алу) отын мен әктас мол аудандарда орналасса, соңғы сатысы 

(электролиз арқылы металды бөліп алу) арзан электр

энергиясына бағдарланады.Осы себепті ірі алюминий балқыту

зауыттары Канада,Бразилия,Норвегиядағы қуатты су электр

станцияларымен Аустралиядағы жергілікті көмірмен жұмыс

істейтін ЖЭС маңына орналасады.1 тонна алюминий алу үшін

14 мың кВт/сағ электр энергиясы жұмсалады.

Маңызы жағынан 2 орын алатын түсті металлургия – мыс

өндіру.Мыс концентратын өндіруде

Чили,АҚШ,Канада,Африкадағы Замбия мен Заир көзге

түседі.Тазартылған мысты өндіруден

АҚШ,Ресей,Жапония,Қазақстан жетекші орында.Қазақстанда

2004 жылы 445 мың т.тазартылған мыс өндірілді.

V. Шығармашылық жұмыс (слайд арқылы металлургия

комбинаттары туралы хабарлама жасау)

Машина жасау өнеркәсібі. Қазіргі заманғы машина жасау 300

– ден астам өндіріс түрін біріктіретін,ғылымды ең көп қажет

ететін,шығаратын өнім түрі бірнеше миллионмен есептелетін аса күрделі сала. 

Автомобиль өндірісінің негізгі орталықтары – Батыс Еуропа,Америка және Жапония.Батыс Еуропаның өндірісі 

экспортқа бағдарланған,шығарған өнімнің 75% өндірілген елден сыртқа сатылады.Жеке елдер арасында АҚШ пен 

Жапония өндіріс көлемі жөнінен жетекші орын алады,олардың әрқайсысы жылына,шамамен 9-10 млн автомобиль 

шығарады.Әр елдің өзіндік “автомобиль астанасы” бар; олардың қатарына өндіріс шоғырлануымен көзге түсетін 

Дейтройт (АҚШ), Вольфсбург (ГФР),Турин (Италия),Төменгі Новгород (Ресей),Нагоя- Токио (Жапония) жатады.

VI.Шығармашылық жұмыс ( слайт арқылы дүниежүзі бойынша автомобиль өндіретін ірі компаниялар туралы 

хабарлама) 

VII.Өз бетінше жұмыс «Өнеркәсіптің пайдасы мен зияны» Оқушылар өнеркәсіптің пайдасы мен зияны туралы өздерінің 

көз қарастарын білдіреді.

1.«Металдар туралы мақал мәтелдер»

2.«Темірді қызған кезінді соқ» 

3.«Алтын күміс тас екен,арпа бидай ас екен»

4.«Жылтырлағанның бәрі алтын емес»

5.«Темірсіз халық,тұзсыз тағам болмайды»

6.«Егер сен нағыз адам болсаң,болаттай берік бол»

7.«Мылтықтың күмісін айтпа,тиісін айт»

8.Жеті ғаламдарды алхимиктер жеті металға теңеген (алтын,күміс,мыс,темір, қалайы,қорғасын,сынап)

9.«Жер ырыстың кіндігі»

10.«Тозған жерде тоқшылық болмайды»

VIII.Сабақты қорытындылау 

1.Түсті және қара металдың негізгі аудандары қайда орналасқан? 

2.Машина өнеркәсібі қандай салалармен байланысты?

3.Машина жасаудың аса маңызды қандай орталықтарын білесіңдер?

4.Машина шығаратын негізгі өнім түрлерін атаңдар.

IX.Оқушыларды бағалау.

X.Үйге тапсырма. $35 «Металлургия және машина жасау өнеркәсібі» оқу,кескін картаға түсіру.

* * * * *

 САБАҚТЫҢ ТАҚЫРЫБЫ: БАСТАУЫШ

Оңтүстік Қазақстан облысы Мақтарал ауданы Кетебай ауылы №21 Ә.Молдағұлова 

атындағы жалпы орта мектебі бастауыш сынып мұғалімі Басжанова Айгул Сейсенбаевна

 Сабақтың тақырыбы: Бастауыш

Сабақтың мақсаты: 1) Оқушыларға сөйлемнің негізгі мүшесінің бірі  бастауыш туралы түсінік беру, сөйлем ішінен таба 

білуге үйрету.

2)  Байланыстырып сөйлеу тілін және сөздік қорын молайтып, ой белсенділігін дамыту.

3) Шыншылдыққа, сауаттылыққа, тазалыққа, жылдам ойлауға, көркем жазуға тәрбиелеу.

Сабақтың түрі: аралас сабақ  Сабақтың әдісі: сұрақ - жауап

Сабақтың көрнекілігі: ереже жазылған плакат, тірек схема, төрт түлік малдың суреті

Сабақтың барысы:

І. Ұйымдастыру кезеңі

1. Оқушыларды түгелдеу

2. Сабаққа әзірлігі «Ыстық  алақан жаттығуы». Көршілеріңе бұрылып, алақандарыңды біріктіріп, жүректеріңнің жылуын

беріңдер.

ІІ. Үй тапсырмасын пысықтау. Қайталау. Өткен тақырыптар бойынша оқушыларды топқа бөлу.

Сөйлем дегеніміз не?   Сөйлемнің түрлерін ата. Оқушыларға сөйлемдер тарату арқылы топқа бөлу.

1.Хабарлы сөйлем.  2. Сұраулы сөйлем.  3. Лепті сөйлем.

- Cөйлем мүшелері дегеніміз не? - Сөйлем мүшелері нешеге бөлінеді?

- Айдана жазды. Олар шықты. Сиыр ішті деген сөйлемдерге сөздер қосу арқылы сөйлем мүшелерінің санын көбейтіп 

жаз.


ІІІ. Жаңа сабақ. Сызбаны пайдалана отырып жаңа сабақты түсіндіру.

Қимыл, іс - әрекет иесін білдіретін сөзді бастауыш дейді. Бастауыштар кім?



кімдер? не? нелер? кімі? несі? деген сұрақтарға жауап береді. Мысалы: Жәния дайындалды. Боран соқты. Ауылдан әкесі 

келді.


Ендеше, балалар дәптерімізді ашып, күн ретін жазайық.  - Тақтамен жұмыс

22 – жаттығу Сөйлемдерді көшіріп жаз.

Жел соқты. Бұлт қоюланды. Жаңбыр себеледі. Оқушы оқыды. Малшы бақты.

- Қарамен жазылған сөздердің астын сыз, оларға сұрақ қой.



 1 – топқа . 23 - жаттығу

Сөйлемдерді оқып, көшіріп жаз.

Мұғалім түсіндірді. Лақ маңырады. Мұз қатты. Күн шықты. Сәкен оқыды.

Қимыл иесі болатын сөздердің астын сыз, оларға сұрақ қой.

2 – топқа. 24 – жаттығу Жұмбақтың шешуін тауып, жатқа жазу.

Дала тегіс сарғайды,

Шаруа қысқа қамданды.

Күн қысқара бастады,

Тауға тұңғыш қар жауды.    (Күз)

 3 – топқа.  25 – жаттығу  Өлеңді көшіріп жазып, бастауышты тауып, астын сызу.

Төсегіне күн жатты,

Жердің бетін түн жапты.

Маужырады шың - құздар,

Көзін ашты жұлдыздар.



Жылқы жусап далада,

Қой ұйықтады қорада.

ІҮ. Сергіту сәті  26 - жаттығу

«Адасқан сөздер» ойынын ойнай отырып, жаттығу жазу.

Арыстан ---------- боздайды

Түйе --------------- мөңірейді

Жылқы ----------- ақырады

Қой ---------------- кісінейді

Сиыр -------------- маңырайды

28 – жаттығу.  Сурет бойынша әңгіме құрау. Жазған сөйлемдеріңнен бастауышты тап.

Ү. Сабақты қорыту  Бастауыш дегеніміз не?   Бастауыштың сұрақтарын ата.

ҮІ. Үйге тапсырма. 27 – жаттығу. Сұрақтарға бағанның оң жағындағы сөздерді пайдаланып жауап беру.

Ереже жаттау

ҮІІ. Бағалау

* * * * *



БАСТАУЫШПЕН ҚОШТАСУ МЕРЕКЕСІ

ШҚО   Аягөз ауданы     Бозай аулы «Сергиополь жалпы білім беретін орта мектебі» КММ

Бастауыш  сынып  мұғалімі Абаева  Гүлжазира  Төлеуғазықызы

Білімі: Жоғары       Еңбек  өтілі: 24 жыл Санаты:  І

Тақырыбы: Бастауышым –балбұлағым                                           

Мақсаты:   1.   Білімнің  сара   жолы  бастауыштан   басталатынын,   бастауышта   алған    білімнің

негіз   болып   қаланатынына   көз   жеткізу.2.   Бастауыш   сыныбымен,   алғаш   қолына   қалам

ұстатқан   алғашқы   ұстазымен   қоштаса   отырып,   орта   буында   дәріс   беретін   ұстаздармен

таныстыру,әр баланың ерекшелігін  таныта отырып, сәт – сапар тілеу.3.Білім берер ордасы-

мектепті,   ұстаздарын  құрметтеп,  білімге   деген  құштарлғын  арттыру.Өз   Отанынының  адал

ұлы мен қызы болуға тәрбиелеу.

Көрнекілігі: «Шуағын төккен 4 жыл» фотомонтажы. Слайдтар.Қанатты сөздер мен тақырып. Шарлар , суреттер    Кіріспе

сөз: Мұғалім: Қош келіпсіздер , құрметті ата – аналар, қымбатты әріптестер, оқушылар! Бүгінгі күн осында отырған

бәріміз   үшін   ерекше   күн.   Оның   ерекшелігі     сол,   осыдан   4   жыл   бұрын   мектеп   табалдырығын   жүрексіне     аттаған

балаларыңыз   білімнің   негізі   болатын   бастауышта   оқып,   білім   алып,   қанаттарын   қатайтып   бастауыш   сыныппен

қоштасқалы отыр. 

Бұл оқу тамақ болар қарны ашқанда,

Жол табар қараңғыда адасқанда .

Мал озбас біле білсең білім озар,

Ақыры керек болар бір сасқанда – деп Міржақып ақын айтпақшы, тарыдай болып кіріп, ақыл ойлары толысып, оң мен

солын  танып  жақсы  мен  жаманды  айыра  білуді   үйренген шәкірттеріміздің     ұйымдастыруымен  өткізілгелі     отырған

«Бастауышым -балбұлағым» мерекесін бастауға рұқсат етіңіздер!

Бесіктегі баланың,

Күлгенін көрген - бір мұрат.

Алдына түсіп ананың.

Жүргенін көрген- бір мұрат – дегендей, бастауыш сыныпты бітіруші түлектерімізді ортаға шақырайық!

Толқимыз , толқып тұрсыз баршаңыз да 

Мұндай күй болған сірә қаншаңызда 

Қол соғып, қошеметтеп шақырайық

4- сыныптарды ортамызға!

Музыка әуенімен бастауыш сынып түлектері ортаға келеді.

Мұғалім: Сіздердің алдарыңызда тұрған 4- сынып оқушылары осыдан 4 жыл бұрын  6 жасар бала болса,  бүгін міне , ес

біліп, етек жиған шәкірт.  Мектеп табалдырығын аттаған күннен бастап»Әліппемен қоштасу», дәстүрлі Наурыз тойлары,

«Кішкентай күз аруы», «Наурыз аруы», «Кішкентай жігіт сұлтаны»,Мәнерлеп оқу сайыстары мен әртүрлі тақырыпта

ұйымдастырылған көрмелер,сыныпаралық спорттық жарыстар, ашық сабақтар мен тәрбие сағаттары балалардың есінде

ұзақ сақталары сөзсіз.


   

Армандасаң да, қиялдасаңда балалық шағың көз алдыңа келеді. Өйткені, биік асуға беттеген   аяулы ғұмыр,

ғажайып өмір осынау бал күлкілі    балалық шақтан басталады.   Міне , бүгін біздің бүлдіршіндер өміріне  өшпес  із

қалдырған бастауыш сыныбымен  қоштасып, бір жылға тағы да есейгелі  отыр.Ендеше қызықты да  ғаламат өзгерістер

сыйлаған , білім нәрімен сусындатқан ,өмірде өз жолдарын табуға жол сілтеген ұстаздарына, ата- аналарына өз өнерлерін

көрсетуге дайын. Олай болса, жүргізушілерімізді ортаға шақырайық! 

1-жүргізуші: Мелсов  Нұрболат

2-жүргізуші: Тұрлыханова  Мөлдір

1 жүргізуші Нұрболат

 Бала шаққа болашақты  жырлатып, 

Шәкірттерге ой түзеткен сымбатты .

Күн нұрындай сәуле құйған көңілге,

Армысыздар , ұстаздарым қымбатты!

2-жүргізуші Мөлдір

Армысыздар әжелер мен аналар

Ұрпағыңыз күнде өзіңнен бата алар.

Ел дәстүрін мәңгі сыйлап оқы деп,

Үйреткен ғой Абай, Ыбырай бабалар

1- жүргізуші Нұрболат

Армысыздар өр тұлғалы әкелер!

Қыран құстай балапанын мәпелер.

Бүгін міне бастауышпен қоштасады,

Азамат боп , кешегі сәби- еркелер!

2-жүргізуші Мөлдір

Армысың сен , алтын ұя мектебім 

Саған айтар жыр- алғысым көп менің 

Жүректерге жаққан білім шырағын ,

Мектебіме арналады бұл әнім!

1- жүргізуші Нұрболат. -Иә,мектебімізге қандай жыр арнасаң да жарасады. Ендеше, сыныптастарымыздың мектепке

арнаған жырларын тыңдайық 

1 оқушы : Мектеп деген білім кені , жыр кені,

Мектеп деген ғылымның ең үлкені.

Мектеп деген тәрбиеші адамға.

Мектеп деген даналардың мекені.

2 оқушы: Мектебім- білім берер алтын ұям.

Ер жетіп сенде сөзім, артты санам.

Баулыған 4жыл бойы ата- анамдай.

Әрқашан қасиетті атың маған.

Арада өтсе-дағы дүркіреп жыл ,

Әр күні балалықтай бір жүрек бұл.

Өзіңе борыштармын өмір бойы 

Есейген шәкіртіңнің серті деп біл. 

3 оқушы:Армысың сен алтын ұя мектебім,

Саған айтар жыр алғысым көп менің.

Жүректерге жаққан білім шырағын,

Мақтан етем сені мәңгі мектебім.

4 оқушы:Ұлылықты ардақ тұтар үнемі,

Алтын ұя, ақ босаға киелі.

Қанат қаққан білім алып өзіңнен,

Күллі шәкірт саған басын иеді.

5 оқушы:Мектебім , алтын ұям , нұрың жарық,

Жайнаттың үмітімнің гүлін жарып.

Сүйкімді сенің күміс қоңырауың,

Тұрады құлағымда сыңғыр қағып. 

6 оқушы: Мектеп – үйім , ұстазым менің – ата- анам,

Сеннен өсіп, сеннен ғана нәр алам.

Саяң ыстық , сен мәуелі бәйтерек.

Тамырланып , сан тарапқа тараған.

7 оқушы: Мектебім- сүйікті мектебім,

Бауырыңда түлеймін , көктеймін.

Сен – бұлақ, мен- қайың бүр ашқан,

Өзіңнен нәр алып көктедім.

8 оқушы: Мектеп – кеме , білім – теңіз,

Барар жерге тез жетеміз.

Төрт жыл алған білім нәрін ,

Азық етіп ер жетеміз.

2-Жүргізуші Мөлдір

Ұлылықты ардақ тұтар үнемі,

Алтын ұя, ақ босаға киелі.

Қанат қаққан білім алып өзіңнен,

Күллі шәкірт саған басын иеді.

1 жүргізуші Нұрболат. Дұрыс айтасың, Мөлдір! Бұл мектептен қаншама адам тәлім алған десеңші.Менің әкем де, анам

да , енді мен де осы мектептен тәлім алудамын.

2-Жүргізуші Мөлдір. -Олай болса, Нұрболат алтын ұя мектебімізге арнап  «Мектебім» әнін шырқайық!

Ән: Мектебім. Жұмабеков Бекзат

Слайд: «Мектептегі мерекелер»

1- жүргізуші Нұрболат. - « Ұстаздық еткен жалықпас үйретуден балаға»,-деп Абай атамыз айтқандай , алғаш қолымызға

қалам ұстатып, оңымыз бен солымызды танытқан, бізбен бірге қуанып, 42 әріпті танытып , білім нәрімен сусындатқан,

мектептегі анамыз- ұстаз екені бәрімізге мәлім.  Балалардың ұстазға арнаған ән -жырларын айтпас бұрын, ұстаз туралы

не айтар едің, Мөлдір?

2-жүргізуші Мөлдір. -Әр шәкіртін өз баласынан кем көрмей, оқуға , жазуға үйреткен  мұғалім еңбегі шексіз. «Мұғалім –

мектептің жүрегі» - деп Ыбырай атамыз бекер айтпаған.

1 жүргізуші Нұрболат. -Дұрыс айтасың, Мөлдір,ғылым иесі  ғалым да , ел қорғаған батыр да , тілінен бал тамған ақын да

, тегеуріні темір балқытқан  жұмысшы да, көкті шарлаған ғарышкер де, бәрі- бәрі ұстаздан білім  мен тәрбие алған.

2-жүргізуші Мөлдір. -Иә ,бұл туралы батыр Бауыржан атамыз: «Болашақтың басшысын да, данасын да, ғалымын да,

еңбекқор егіншісін де, кеншісін де ұстаз өсіреді»деген екен. 

Олай болса, келесі жырларымызды ұстаздарымызға арнаймыз!

9 оқушы:Алғашқы ұстазымыз анамызбен тең келеді,

Бар асылын бізге жиып , мол береді.

Қанатымен су себелеп асыл жан,

Әр шәкіртін баласынан кем көрмейді.

10 оқушы:Тек үйреттің әділдікті , адалдықты,

Жирендік , ажыраттық жамандықты.

Жалғастырар ақ жолың сенің салған,

Бар деп ұққын әрқашан балаң мықты.

11 оқушы: Жарық күннен жылы жүзің елестер,

Құлағымда өзің берген кеңестер.

Жанарымда алыс тартқан қара жол, 

Көз жұмсам да көре тұғын белестер.

12 оқушы:Қоңыр үнді даусың әсем таңдардай ,

Ұстазымның жүзіндегі нұр қандай?

Мейірлене қарап қойып біздерге,

Күн астынан сабақ беріп тұрғандай

13 оқушы: Ұстазым! Ұстазым өзің едің асқақ әнім,,

Басталған ақ батаңнан жас талабым.

Ұғындым ұлылықтың, даналықтың,

Ұстаздың ұлағатынан басталарын.

14 оқушы: Мұғалім ұстазысың балалардың,

Болашақ ғалымдардың , даналардың .

Өмірде сенің алар орыныңа ,

Бірі де жеткізе алмас бағалардың.

15 оқушы: Кеп- кешегі жабырқау қайда қалған,

Шықпаушы едік бір елі айналаңнан.

Мейірің бе , ұстаздық жүрегің бе?

Жан дүниесін баланың жаулап алған.

16 оқушы:Нұр құйған санасына зейіндінің.

Нұрлы шам сәулесіндей мейірімің.

Дарыттың адамдықты шәкіртіңе,

Дамыттың дарын отын бейімдінің.

17 оқушы:Алғашқы ұстаз, ерекше тұлға дара шың,

Ұмытылмастай көңілде мәңгі қалатын.

Сағына әркез суреттерді парақтап.

Шәкірттерін жиі еске алатын.

18 оқушы:Жаралған жақсы үмітпен мұраттардан ,

Жансыз ғой әлдилеген шуақты арман.


Жатталады жан жүректе есіміңіз,

Адамның аяулы үні сияқтанған.

19 оқушы:Шәкірттер сіздерді айтып мақтанамыз,

Бейнеңіз жүректерде сақталады.

Біз әлі биіктерден көрінеміз,

Үміт пен сеніміңіз ақталады .

Бәрі : Мың алғыс сізге біздей түлектерден,   Мың алғыс мына отты жүректерден!

Ән: «Ұстазым» Байбатырова М. Мелсов Н

1  жүргізуші   Нұрболат.   -Иә   ,   осыдан  4  жыл   бұрын  ,   біз   6  жастағы   сәби  -балалар  сөмкемізді   зорға   көтеріп,   мектеп

табалдырығын жасқана аттаған едік.

2-Жүргізуші Мөлдір. -Енді міне,  сауатымызды ашып, білім негізін қалаған бастауыш мектеппен қоштасып, орта буын

қатарына қосылғалы тұрмыз.

1 жүргізуші Нұрболат. -Иә, міне, сағымдай өте шыққан   4жыл ішінде біздің ұстаз анамыз сауатты, тәрбиелі, өнегелі

азамат етіп шығарды.

2-Жүргізуші Мөлдір. -Ендеше, бастауыш сыныбымыз туралы неге айтпасқа !

1оқушы : Жасқана кіріп жарық сыныпқа біз.

Әр бетін Әліппенің күле ашқанбыз.

Мұғалім сабақ өтіп жатқан кезде,

Қайталап атымызды сұрасқанбыз.

2 оқушы: Әр үйдің ерке өскен тентегі едік,

Ақылға келе алмадық ерте көніп.

Бойымыз бірте- бірте үйренісіп. 

Мектептің ережесін үйрендік  кеп.

3 оқушы: Өмірдегі жолымды бір өзіңнен бастадым,

«А»әрпін  алғаш сенен бастадым.

Ұстазым естен кетпес мәңгілікке,

Мейіріммен жауырынымнан қаққаның.

4 оқушы:Бірдей біздің  ойымыз да , сырымыз,

Бір мектептің ұлы менен қызымыз.

Бірдей өстік оқуда да еңбекте,

Күліп – ойнап біріміз бен біріміз.

1 жүргізуші Нұрболат

-Біздің жамандығымызды жасырып, жақсылығымызды асырып жүрген біздің ата- анамыз. Қатарымыздың теңі болып ,

тамағымыз тоқ, көйлегіміздің көк болып жүруі де  сол кісілердің арқасы.

2-Жүргізуші Мөлдір

Ыстық- ау кім- кімге де әке деген,

Суыққа шалындырмай, мәпелеген.

Өмірдің соқпағымен өрге тартып,

Алдымен адам бол деп жетелеген- дегендей әкенің орны бөлек- ау.

1 жүргізуші Нұрболат

Әкешім тілеуімді тілеп жүрген,

Аумайсың жарығы мол ашық күннен.

Шаршайсың жұмыс істеп біздер үшін.

Ақылды балаларың оны білген. 

Ән: «Әке--ана» Қайратов Елжан

2-Жүргізуші   Мөлдір.   -Әр  ана   өз   баласын  мейірімді   болса   екен,   жақсы   оқып,елге   қалаулы  азамат  болса   екен  дейді.

Халқымызда мынадай бір нақыл сөз бар: «Анаңды Меккеге үш рет арқалап барсаң да борышыңды өтей алмайсың» деген

.Шіркін, ардақты анамыздың ақ сүтін ақтай білгенге не жетсін!

1 жүргізуші Нұрболат. -Иә, дұрыс  айтасың,   Мөлдір.  Біз болашақта саналы да, ақылды   бала болып өссек, ананың

арманы орындалды деген осы емес пе?

2-Жүргізуші Мөлдір

Дүниеге әкелген ,ол да сенің анашың,

Ақ сүт беріп өсірген , ол да сенің анашың.

Тіл алмасаң кешірген , ол да сенің анашың,

Мәпелеген баласын,аман болсын анашым!

Ән: «Ана жүрегі» Байбатырова М

1 жүргізуші Нұрболат

-Біздер бастауыш сыныпта жоғары сыныптарда өтілетін Әдебиет, тарих, биология, алгебра , физика, химия т б пәндерге

негіз болатын ана тілі, математика,дүниетану, орыс тілі,қазақ  тілі  пәндерін зер салып оқып үйрендік.

1оқушы:Анашымдай сыр шерткен,

Ақыл- білім үйреткен.

Ана тілін оқыдық ,

Ерекше зор құрметпен.

Ана тілін сүйеміз,

Құрметпен бас иеміз.

Ана тілмен қоштасамыз,

Әдебиетпен достасамыз.

2 оқушы: Ойланып есеп шығартып,

Төрт таңбаны білдірген.

Ғылымдардың патшасы,

Математика данасы

3 оқушы: Қазақ тілі пәнінен,

Білім алды балалар.

Сөйлемді, сөз таптарын,

Етістіктің шақтарын,

Жалғаулар мен жұрнақтар.

Ережесін жаттадым.

5-шіге барған соң,

Анаргүл  апай бағалар.

4 оқушы: Ой жіберсең бәріне ,

Дүниетану пәніне.

Өмір сырын үйретер,

Пәннің жақсы бәрі де.

Жер байлығы көп екен,

Игеруді қалайды.

Осының бәрін білдірген ,

Дүниетану сабағы.

5 оқушы:Үйренеміз жалықпай,

Ағылшын тілін шарықтай.

Тіл сындырып,ән айтып,

Шаттанамыз қалықтай,

Роза  апай тәлімі

Сәулесін шашқан жарықтай.

ӘН: «Ананың  тілі-аяулы үні»  Дүйсенбаев Ә. Каженов Р. Мелсов Н.

2-Жүргізуші Мөлдір

Кеудемнен сезім селі ақтарылсын,

Болармын күні ертең- ақ мақтанышың.

Білім алып, тер төгем , еңбек етем,

Өзіңнің сеніміңді ақтау үшін!

1 жүргізуші Нұрболат

Жетекші боп жүрдіңіз түлегіңе 


Біздерді ойлап  көңіліңіз жүдеді де,

Шәкірттер тыңдаңыздар ұстаз сөзін,

Сіздерге арнап айтатын тілегін де- дей отырып сөз кезегін ұситаздарымызға береміз!

Ұстаз тілегі:

Өлкеміздің айналыңдар ертеңіне,

Сенімдердің айналыңдар серперіне.

Ұстаздық ақ жүректен  мен тілеймін,

Тек сәттілік – шәкірттерім ертеңіңе.

Айналайын жап- жарқын жүздеріңнен,

Аластайтын жаныңды күз көңілден.

Мен сендерге мәңгілік тілекшімін,

Тілек тілеп тұратын іздеріңнен.

1 жүргізуші Нұрболат

Кіндігімнің жас қаны 

Тамған  жерім- ауылым.

Жусаны мен жуасы, 

Бұрқыраған – ауылым, -  деп ақын ағамыз жырлағандай Мөлдірдің орындауында  «Ауылым - әнім» әнін тыңдаңыздар

2 жүргізуші Мөлдір

Мектебімнің шәкірттері, ұстаздары

Жайнасын көңілдердің жасыл бағы.

Сіздер үшін ән мен күй, өлең мен би,

Сіздер үшін мереке шашулары

Би:  «Ел қорғаған батырлар»  Ұлдар тобы

2 жүргізуші Мөлдір

Туған жерін кім сүймейді тамсанып,

Өлең айтқым кеп тұрады, ән салып.

Сол мекенді жан сырыммен сүйемін,

Алыс кетсем, сарғаямын сағынып.

1 жүргізуші Нұрболат

О, дариға, алтын бесік туған жер,

Қадіріңді келсем білмей кеше гөр, - деп Қасым Аманжолов ағамыздың «Туған жер»өлеңін ана тілі   сабағынан біз де

жаттаған едік. Осы өлеңді Бекзат пен Мөлдірдің орындауында әнімен тыңдап көрейік.

2 жүргізуші Мөлдір

- Нұрболат, осы сен достық дегенді қалай түсінесің?

1 жүргізуші Нұрболат

-Достық деген... ол бір сыныптағы оқушылардың бір-бірімен тату-тәтті болуы шығар... жүз сомың болғанша, жүз досың

болсын демей ме халқымыз?

2 жүргізуші Мөлдір

- Ендеше, біздің сыныптың ұлдарының орындауында  «Дос  туралы жыр» әнін тыңдасаң, достық сөзінің мағынасын

тереңірек түсінетін боласың.

1 жүргізуші Нұрболат

Мың бұрала билеген,

Аруды кім сүймеген.

Қарсы алайық қыздарды ,

Қазақ биін билеген. 

Би: «Қазақ биі» Байбатырова М. Тұрлыханова М.

1 жүргізуші Нұрболат

Дүниенің жарық күні анамыз,

Дана болсақ анаменен данамыз.

Құлақ салып тыңдаңыздар ағайын

Аналарға арнап бір ән саламыз.

Ән: «Анашым» Қайратов Елжан

2 жүргізуші Мөлдір

Бастауышым-бастамам,

Білім жолын бастаған.

Білім шыңы биікте

Беліңді  бу жас данам.

Хор: Бастауышым –балбұлағым

Бастауышым- бал бұлағым ,

Алдым сенен балдың дәмін.

Әріп танып, білім алып 

Рахметімді жаудырамын.

Бастауышым- балбұлағым

Лаулап жанған шамшырағым.

Өзің берген біліміңмен,

Самғап ұшар тау қыраның.

Өтті сенде қызық шағым,

Бастауышым- балбұлағым.

Қоштасар күн жетті міне,

Қимастықпен қол бұлғаймын.

Нұрболат , Мөлдір

Қош бол, балғын балалық,

Қош бол, сүйікті бастауышым!

Ән: «Қош бол, бастауышым!»

2-Жүргізуші Мөлдір

Кеудемнен сезім селі ақтарылсын,

Болармын күні ертең- ақ мақтанышың.

Білім алып, тер төгем , еңбек етем,

Өзіңнің сеніміңді ақтау үшін!

1 жүргізуші Нұрболат

Жетекші боп жүрдіңіз түлегіңе 

Біздерді ойлап  көңіліңіз жүдеді де,

Шәкірттер тыңдаңыздар ұстаз сөзін,

Сіздерге арнап айтатын тілегін де- дей отырып сөз кезегін ұстаздарымызға береміз!

Ұстаз тілегі:

Өлкеміздің айналыңдар ертеңіне,

Сенімдердің айналыңдар серперіне.

Ұстаздық ақ жүректен  мен тілеймін,

Тек сәттілік – шәкірттерім ертеңіңе.

Айналайын жап- жарқын жүздеріңнен,

Аластайтын жаныңды күз көңілден.

Мен сендерге мәңгілік тілекшімін,



Тілек тілеп тұратын іздеріңнен.

Ән:  Шәкіртке тілек      4-сынып  жетекшісі:  Жазира  Төлеуғазықызы.

Марапаттау рәсімі:  4-сынып  оқушыларын  марапаттау.

Оқушыларға диплом тапсыру.

Сынып өміріне белсене араласқан ата-аналарға алғыс хат беру.

1 жүргізуші Нұрболат

Ажырамай мектептен бір елі сіз,

Жақсылыққа жаралған жүрегіңіз

Дәулет  Ақанұлына  сөз берейік,

Түлектерге арналсын тілегіңіз.

Мектеп директорының құттықтау сөзі

2-Жүргізуші Мөлдір

Ұстазсыз шәкірттерге бақ берген бе?

Бапкерсіз тұлпарларға бап келген бе?

Он бірінші сыныбы үшін жанын салған,

Меруерт Айтқазықызы осы жерде.

Келер жылы біз үшін терін төгер,

Сөз берейік құрметпен енді сізге.

5 - сыныпта қабылдайтын сынып жетекшісі Меруерт Айтқазықызының құттықтау сөзі.

Ата-аналар комитетінің төрайымы Бақытгүл Тұрлыханқызының құттықтау сөзі.



Соңы.

* * * * *



Каталог: 2015
2015 -> МазМұны. Содержание жоғары білім. Высшее образование
2015 -> Республикалық басылым 2003 жылдың сәуірінен бастап шыға бастады Қош келдің, әз-Наурыз! Арулардың жанданған бірлестігі
2015 -> Облыстық ҚОғамдЫҚ-СаяСи газеТ
2015 -> 11 бет 3 стр. №16 (109) 20 тамыз, 2015 жыл АҢдатпа
2015 -> Туған жер тұлғалары Аманжол Күзембайұлы
2015 -> Қазақстан республикасы 45minut kz – 45minut org Ұстаздарға арналған басылым редакциясы
2015 -> Республиканский конкурс сочинений среди учащихся школ и средних учебных заведений на патриотическую тему, посвященную 70-летию Победы в Великой Отечественной войне Карагандинская область
2015 -> Ілияс есенберлин

жүктеу 1.62 Mb.

Поделитесь с Вашими друзьями:
1   2   3   4   5   6   7   8   9   ...   13




©emirb.org 2020
әкімшілігінің қараңыз

    Басты бет