Ғалымға да, шахтерге де, дәрігерге де, министрге де бас игізген ұстаздық ұлы есім. Ақыл есі түзу, саналы адамның барлығы ұстаз алдын көреді



жүктеу 19.05 Kb.
Дата18.02.2022
өлшемі19.05 Kb.
#17368
түріСабақ
Ұстаз эссе
«Сүйінбай мен Қатағанның айтысындағы тартыс»

Ұстаз-ұлы тұлға
Ғалымға да, шахтерге де, дәрігерге де, министрге де бас игізген ұстаздық – ұлы есім. Ақыл есі түзу, саналы адамның барлығы ұстаз алдын көреді. Адамдар өзіне мектепте сабақ бермесе де, өмірлдік бағыт-бағдар берген, сара жолға салған кісіні ұстаз тұтады. Ал мен сол ұстаздық ұлы жолға жеткен мұғалім болғым келеді.
Мектеп табалдырығын енді аттаған бүлдіршін шағымнан мұғалім жұмысына қызығушылық білдірдім. Үйде жұмсақ ойыншықтарымды оқушы етіп отырғызып қойып, өзім мұғалім болатынмын. Журнал ашып, әрқайсысына атау беріп, оларды бағалауды қызық жұмыс санайтынмын.
«Бала – ойынмен жетіледі» деген рас екен. Сол кездегі бала қиял бүгінде арманға айналып, оған жету жолында мақсаттарымның кірпішін қалаудамын.
Қазіргі мұғалімдер өміріне түісіністік танытамын. Олар қағазбастылықтан шаршап, әр үйдің бұзығын тәртіпке саламын деп жүйкесі жіптей жұқарады. Ойнаудан жалықпайтын сәби секілді өз ісіне махаббатпен қарайтын адам қандай қиындық болса, темірдей төзімділік танытады.
Мұғалім әр баланы зерттеп, құпия қырларын ашып, кемшілігін емес, жетістігін ғана көрсе, арқасынан қағып, әр ісін қолдап отырса, екеуінің арасында берік көпір салынар еді. Оқушы мұғалімін анасындай, ұстазы шәкіртін баласындай жақсы көрер еді.
Болашақта мұғалімдерді қағазбастылықтан құтқарып, бар назары мен уақытын балаларға арнауға мүмкіндік жасалса, заман қазіргіден де жақсара түседі.
Қоғамда болып жатқан келеңіздік, қайырымсыздық, тәртіпсіздік – барлығының салдары үйдегі ата-ана мен мектептегі мұғалім тәрбиені бір-біріне сілтеуінен. Екеуі бір жеңнен қол, бір жағадан бас шығарып, баланы нағыз адам, толыққанды тұлға етіп шығаруға күш салса, рухани байлығымыз артып, қоғамдық бассыздықтар тамырына балта шабылады.
Келешекте мұғалім мамандығының мәртебесі биіктесе деймін. Басқа жерде танысы болмай не лайықты жұмыс таппай мұғалім бола салғандар емес, «Қазақ баласын тәрбиелеймін, Қазақстан болашағының тасын қалаймын» деген мақсатпен келгендер ғана ұстаздық ұлы есімге ие болса екен!
Ұстаз-ұлы тұлға
Ұстаз… Оңашада отырып ұстаз туралы ойға кетсем, көз алдыма ақжарқын мінезді, ақ жүректі, жылы жүзді ұстаз бейнесі көрініп, мені қиялға батырып, еріксіз нұрлы естеліктерге жетелей жөнеледі…Ұстаз бейнесі – шәкірт үшін адамгершіліктің ең жоғары үлгісі. Ұстаздың лаулаған жалыны — әр жүрекке жылу сеуіп, нұр құятын қуаттың, өмірдің қайнар көзі. Тіршіліктегі шырақтың сөнбес ошағы. Ұстаз — өзінің бар күшін, бүкіл өмірін бала тәрбиесіне бел буған періште.Ұстаз — бұл қасиетті мамандық иесі, менің арманым бойынша, өте қайырымды, ешкіммен ешқашан сөзге келмейтін, сабақ барысында оқушыға деген қол үшін аямайтын адам…
Ұстаз деген кім? Ұстаз – шәкірттерін білім нәрімен сусындататын адам. Ұстаз болу — екінің бірінің қолынан келмес, әрі аса үлкен жауапкершілікті қажет ететін жұмыс. Себебі, ол дәрігер сынды жас түлектердің болашағына жауапты. Бала өмірге қадам жасаған сәтте оның жолында небір қиындықтар кездеседі, сол кезде өзінің тәжірибесімен бөлісетін адам сол баланың өмірінде өшпес із қалдырады. Ата-анамыз біз өмірге келген күннен бастап: жүріп-тұруға, оқуға, санауға, жаза білуге, қоғамдық орындарда өзімізді қалай ұстау керек екендігін үйретеді. Алайда ата-ананың үйде берілген тәрбиесі жеткіліксіз, өйткені олар балаға өзінің нәрестесі ретінде қарайды. Ата-анамыздан кейінгі ақылымен бөлісер, ар-ұятты бойғы сіңірер бірде-бір адам болса, ол – ұстаз. Ал мектептегі ұстаз балаға жеке адам, тұлға ретінде қарайды.
Осыдан он жыл бұрынең алғаш мектеп табалдырығын аттап кірген сәтімде күлімдеп қарсы алған, қолымнан жетектеп партаға отырғызып, «Әліппе» кітабын ұстатқан, алғаш әріп үйреткен-менің сүйікті де ең алғашқы ұстазым –Бота Диханбаевна. Ол кісі- менің ақылшым, алғашқы данышпаным, өмірге бағыттаушым болды. Оның жайдары күлімдеген көздерін үйде күнде көріп үйренгендіктен бе, біраз уақытқа дейін тентектеу болып өстім. Әліппені жаттатпай ұйқы бермейтін. Бұған өте қатты ашуланып, төрт қабырғаның төрт бұрышында да тұрып шыққан да кездерім болды. Қазіргі күнде алғашқы ұстазыма дән ризамын. Өйткені мен алғашқы ұстазымнан білім жолының таза, тура, әділ жол екендігін ұқтым.Бәрімізді өз баласындай көріп, ақыл айтып, көп нәрселерді үйретіп жүретін осы жанның орны мен үшін қашан да ерекше. Өмірде өз анаңнан кейінгі қадірлі тағы бір адам болса, ол- алғашқы ұстазым.
жүктеу 19.05 Kb.

Поделитесь с Вашими друзьями:




©emirb.org 2022
әкімшілігінің қараңыз

    Басты бет