P. cataracti Kom. – Ақ торанғы – (Т. водопадный)

Биіктігі 5 – 8 м болатын ағаш, сұрғылт – ашық, сұр түсті қабығы бар және қалың емес пирамидалы пішіндегі ағаш; бұталары цилиндрлі, сарғыш, тегіс жалаңаш, бүршіктері майда ұзындығы 4 - 6 мм конусты, үшкір, жалаңаш, жабысқақ, жапырақтары майда, барлығы бірдей, сабақтары жіңішке, жапырақтары тең пластинкалы. Ұзындығы 2 – 4 см, 2,5 – 5 см көлденең - дөңгелекті немесе жалпақ – дельта тәрізді, қысқа доғалды, түбі жалпақ сына тәрізді, жиегі қоршаулы – тісті, екі жағынан да бір түсті, сарғыш жасыл, желі торабы айқын көрінеді. Гүлдері және жемістері белгісіз. Тау өзендері маңында, жағалауларында өседі.