«Қазақ тілі мен әдебиеті» және «Ұлағат» жауапкершілігі шектеулі серіктестігінің ай сайын шығатын Республикалық



жүктеу 2.63 Kb.
Pdf просмотр
бет1/10
Дата06.05.2017
өлшемі2.63 Kb.
  1   2   3   4   5   6   7   8   9   10

 
«Қазақ тілі мен 
әдебиеті» және 
«Ұлағат» 
жауапкершілігі 
шектеулі 
серіктестігінің 
ай сайын 
шығатын 
Республикалық 
ғылыми-
педагогикалық, 
әдістемелік 
жұрналы 
                        
 
Мақсатым – тіл ұстартып, өнер шашпақ...
АБАЙ.
           
                  ҚАЗАҚ ТІЛІ
 
                   МЕН 
                   ӘДЕБИЕТІ
                                  
1958 жылдың                 
                                                                          наурыз айынан 
                                                                          бастап шығады
                    
                    10/2011  
ҚАЗАН
    
                            
                            МАЗМҰНЫ
                                                 Көкейкесті көзқарас
Ардақ ҚАБДІМӘЛІКҚЫЗЫ.              Тест – білім, білік, дағдыны 
                                                                    бақылаудың бір түрі.....................................3
Лена ЕЛУБАЕВА.                                   Ұлттық бірыңғай тестіге дайындықтың                    
                                                                    тиімді жолдары.............................................8
                                                  Таным табиғатында
Саян ЖИРЕНОВ.                           
        Окказионализмдердің тілтанымдық
                                                                сипаты.....................................................15
                                  Қазақ тілі: озық тәжірибе, ортақ әдіс
Ләззат ҒҰБАЙДОЛЛАҚЫЗЫ.             Тілдік норма және жаңа қолданыстар......24
Назгүл БОЛАТБАЙ.                               Дауыссыз дыбыстар...................................27
Ақмарал ЖҰМАБЕКОВА.                    Тұлғалас формаларды салыстыра 
                                                                     үйрету.........................................................31
Жеңіскүл РЫСПЕМБЕТОВА.               Шылаудан өткенді қайталау......................34  
                                Қазақ әдебиеті: озық тәжірибе, ортақ әдіс
Жанна ӨМІРБЕКҚЫЗЫ.                      «Керқұла атты Кендебай» ертегісі...........39
Ақжонас РЫСҚАЛИЕВА.                      Махамбет«Ереуіл атқа ер салмай»........45
Гүлсім ЖҰМАҒАЗИНА.                         Ғабит Мүсірепов. «Ананың анасы»........49

Ақмарал ОМАРОВА.                              «Қыз Жібек» жыры бойынша құрасты-
                                                                     рылған жұмыс дәптері..............................54
Жақсыгүл ТАЛАПБАЙҚЫЗЫ.            Мағжанның «Батыр Баян» поэмасы........61
Бану АМАНҚЫЗЫ.                                  Тұманбайдың «Бауырлар» өлеңі..............66
                                               Оқулыққа қосымша
Әділет ҚАБЫЛОВ.                                  Ілияс Жансүгірұлы прозасындағы 
                                                                     ирония........................................................70
Марат БЕКБОСЫНОВ.                         Шернияздың «Баймағамбет сұлтанға 
                                                                     айтқаны»....................................................78
                                              Авторлық бағдарлама
Гүлжан МОЛДАБАЕВА.                        Қолданбалы курс: Публицистика............84
                                        Тәуелсіздіктің 20 жылдығы
Жұпар ҚОЖАҚ.                                       Желтоқсан рухымен..................................88
Меңжамал ӘШІМХАНҚЫЗЫ.             Тәуелсіздік – арманым, мұратым.............89
                                            Сыныптан тыс сабақ
Айман ҚҰТЖАНОВА.                            Қыран қанатты ақын.................................93
Ұлбөпе ӘБДІБЕКОВА.                            Қазақтың дара туған данасы....................98
Рзагүл ӨТЕУЛИЕВА.                              «Сөзмерген» сайысы...............................102
                                                 Ұлттық ұлағат
Меңдібай ӘБІЛҰЛЫ.                              Жоқтаушы қайда жоғалды?....................105
                                            Жас маманға жәрдем
Жанна НҰҒМАНОВА.                            Ақсақ құлан, Жошы хан.........................110
Гүлнар СЛАНОВА.                                  Есімдіктен өткенді қайталау...................112
Айнұр ӘЛШЕРІ.                                      Сәкен Сейфуллин шығармашылығы.....114
Гүлнар КЕНДІРБЕКҚЫЗЫ.                 «Боран» әңгімесі......................................117
Зәуре САТЫБАЛДИНОВА.                    Тіл ұстарту. «Бермегенді беріп ұялт»....120
А.БЕЙСЕНБАЕВА.                                  Қадыр Мырза Әли. «Кәрі қыран».........125
Жаңылқан ИМАНҒОЖАҚЫЗЫ.         Жүсіпбектің өмірі мен
                                                                      шығармашылығы....................................128
Роза БАЙКУБЕНОВА.                            «Көксерек» әңгімесіндегі негізгі
                                                                      мәселе.......................................................131
Жанна БАҚЫТЖАНҚЫЗЫ.                 Фариза өлеңдерінің көркемдік 
                                                                      өрнектері.................................................134
Көгершін ТӨЛЕУБАЕВА.                      Сәкен Сейфуллин шығармаларының 
                                                                      мәні..........................................................136
Ақмарал ҮМБЕТИЯРОВА.                    Болымды және болымсыз 
                                                                      етістік......................................................139
Гүлзира САҒЫНБАЙҚЫЗЫ.                Пікірталас мәдениетінің 
                                                                      талаптары................................................142
АҚЫЛДАСТАР АЛҚАСЫ:
Құсиын Айтқалиев, Шәмша Беркімбаева, Қанипа 
Бітібаева, Жанғара Дәдебаев, Гүлтас Құрманбаева, Мекемтас 
Мырзахметұлы, Қуандық Мәшһүр Жүсіп, Серік Мақпырұлы, 
Нұрша Оразахынова, Бақтияр Сманов, Жансейіт Түймебаев, 
Рақымжан Тұрысбек, Нұргелді Уәлиұлы.

3
Көкейкесті көзқарас
Ардақ  ҚАБДІМӘЛІКҚЫЗЫ,
№2 Қабанбай орта мектебі 
мектеп жасына дейінгі шағын орталығы 
бар мемлекеттік мекемесінің мұғалімі.
Алматы облысы,
Алакөл ауданы.
ТЕСТ – БІЛІМ, БІЛІК, ДАҒДЫНЫ 
БАҚЫЛАУДЫң БІР  ТҮРІ
Білімнің  мемлекеттік  стандарт  талаптарына  сәйкестігін 
бақылауды ұйымдастырудың бір түрі – тестік бақылау жүйесі. 
Ол  оқушылардың  өз  бетінше  жұмыс  әрекетін  арттырып, 
оқытудың  тиімділігіне  қол  жеткізіп,  ойлау  қабілетін, 
шығармашылық  әрекетін  белсенді  етеді.Оқушылардың 
білімдеріндегі  олқылықтар  анықталып,  уақытты  тиімді 
пайдалануға мүмкіндік береді. Тест тапсырмаларын мұғалім 
өз  қалауынша  тақырып,  тарау  бойынша  құрайды.  Бірақ 
тестілердің  көмегімен  оқушылардың  шығармашылық 
дәрежесін бақылау мүмкін емес. 
«Тест»  -  ағылшын  сөзі,  сынақ,  байқау  деген  мағынаны 
білдіреді. Ең алғаш рет оқушылардың білімін тексеру үшін 
тестіні ағылшын педагогы Дж.Фишер 1864 жылы қолданған.
Бүгінде  тест  қолдану  оқытушылармен  қатар  оқушылар  
үшін  де  көп  тиімді  екенін  өмірдің  өзі  дәлелдеп  отыр. 
Нәтижесі тікелей белгілі болады. Тестілік әдіс талапкердің 
білім  дәрежесін  анықтауда  көп  уақыт  алмайды.  Тест 
оқушылардың  білімін  және  дағдыларын  тексеретін  құрал 
болып табылады. 
Тест  сынаққа  түскендердің  бір  пән  бойынша  білімінің 
құрамы  мен  құрылымын  анықтайды.  Басқа  сынақ  жұ-
мыстарымен  салыстырғанда  тестінің  артықшылығы  оның 

4
объективті,  сенімді,  көп  варианттылығы  болып  табылады. 
Тестінің міндетті түрде бірнеше варианты болуы керек. Бұл  
тексеру  кезіндегі  тиімділікті  арттырады,  өйткені  мұнша 
тапсырманың  барлығын  жаттап  алу,  есте  ұстау  немесе 
көшіріп алу мүмкін емес. Тест тапсырмалары тек бақылау  
ретінде емес, оқушыларды үйрету, машықтандыру үшін де 
тиімді.  
Тест тапсырмасына қойылатын негізгі талаптар мыналар: 
тест  жұмысын  өткізуде  белгілі  бір  уақыттың  болуы; 
тапсырмаларды  орындау  үшін  берілген  нұсқаулардың  
түсінікті, айқын болуы. 
Тестілеу үдерісін үш кезеңге бөлуге болады:
1) тестіні таңдау (тестілеудің мақсатымен және  тестілеу-
дің    дұрыстығымен,  сенімділік  дәрежесімен  анықталады); 
2)  оны  өткізу  (тестіге  берілген  нұсқамен  анықталады); 
3)  нәтижелерді  пайымдау  (тестілеудің  пәніне  қатысты 
теориялық жүйесімен анықталады).
Үш  кезеңнің  үшеуінде  де  білікті  психологтың  қатысуы 
қажет.
Тестілер  –  жеке  тұлғалардың  даралық  психологиялық  
қасиеттерін,  сондай-ақ  білімін,  білігі  мен  машығын  
салыстырмалы  шаралармен  өлшеуге  арналған  стандарттал-
ған    тапсырмалар,  психологиялық  диагностиканың  негізгі  
әдістерінің бірі.
Тестілер  төмендегідей  ерекшеліктерімен  сипатта-
лады:  1)  қажетті  жабдықтау  және  өткізу  рәсімінің 
қарапайымдылығы;  2)  нәтиженің  тікелей  анықталуы; 
3)    жеке    және  топтық  жағдайда  қолданылуы;  4) 
математикалық    өңдеуге  қолайлылығы;  5)  қысқа 
мерзімділігі;  6)  белгіленген    стандарттың  (норманың) 
болуы; 7) ақиқаттылығы.
Дегенмен,  дәстүрлі  әдіспен  салыстырғанда  оқушылар-   
дың  білім,  білік,  дағды  деңгейін  тест  арқылы  тексерудің 

5
өзіндік    кемшіліктері  де  бар:  1)  әйтеуір  іріктеу  арқылы 
жауапты  кездейсоқ табудың басым мүмкіндігі; 2) әрекет 
нәтижесінің    тек  соңын  тексеру;  3)  мұғалімнің  қиын 
жағдайда тап болуы,  көбінесе оқушының логикалық ойлау 
деңгейін анықтауға  мүмкіндіктің болмауы. Тестік бақылау 
жұмыстары  оқушылардың білім сапасын тексеруде негізгі 
нысаны  болып  қала  алмайды,  керісінше,  ол  оқушылардың 
білім, білік, дағдысын анықтауда басқа да бақылау әдістерімен 
және  нысандарымен үйлесіп қолданылуы керек. Сөйтсе де 
тестік  тапсырманы орындату арқылы оқушылардың өткен  
тақырыптар бойынша жинақтаған білім сапасын анықтауға  
нақты мүмкіндік туады. 
Тестілік  тапсырмаларды  орындату  барысында  мұғалім-
нің оқушыларға тест туралы қарапайым ұғымдарды түсінді-
ре  отырып  тапсырманы  орындау  әдісімен  таныстырып 
кеткені  де  абзал.  Мысалы,  берілген  белгілі  бір  уақытта  
үлгеру үшін оқушылар №1 сұрақпен танысып, егер сұрақтың  
нақты  жауабын  білетін  болса,  бірден  белгілеп,  келесі 
сұраққа  көшіп отырады, ал егер сұрақтың жауабын бірден 
есіне  түсіре алмаса, уақытын жауап іздеп жоғалтпай,  бірден 
екінші сұраққа көшкені дұрыс. Осы әдіспен тестің   аяғына 
шыққан оқушы жауабын таба алмаған сұрақтарға басынан  
бастап  қайта  оралып,  нақты  жауапты  іздеуге  алғашқыдан   
сәл  көбірек  уақыт  бөлу  арқылы  шешуін  тауып,  тағы  да 
келесі  сұрақтарға  көшіп  отырады.  Міне,  осылай  тестілік  
тапсырманы бас-аяғына дейін екі-үш рет айналып шыққан  
оқушы  берілген  уақытта  тапсырманы  толық  әрі  сапалы  
орындауға мүмкіндік алады.
Бір пән бойынша берілген тестілік тапсырманы  орындау-
ға  бір  академиялық  сағат  (45  минут)  бөлінеді.  Тестілік 
тапсырмаларды сыныптың барлық оқушылары бір мезгілде  
және  әр  оқушы  дербес  орындайды.  Тестілік  тапсырмалар  
жазбаша түрде (компьютерлік нұсқада) теріліп, әр оқушыға  

6
беріледі.  
Берілген  тест  түрлерін  оқу  үрдісінде  қолдану  арқылы 
мұғалім  өзінің  педагогикалық-әдістемелік  шеберлігін  
үздіксіз бақылауды жүзеге асыра алады. Оқушы білімі  мен 
білігіндегі жетістіктерді, кемшіліктерді, олардың себептерін  
анықтап,  өз  жұмысына  талдау  жасайды,  оны  жетілдірудің 
жолдарын белгілейді. Сонымен қатар бұл тестілермен жұмыс 
істеу  барысында  оқушыларда  өзінің  оқу  жұмысындағы  
жетістіктері  мен  жіберген  кемшіліктері  туралы  мәліметтер  
алып,  нәтижесін  үлгімен  салыстырып,  өз  еңбегіне  талдау  
жасап,  практикалық  қызмет  атқарып,  өз  табысынан  ләззат 
алуға,  сөйтіп  білім  мен  ғылымға  деген  құштарлығын  
арттыруға дағдыланады.
Тестілеу жұмысын  ұйымдастырып,  оның  қорытынды-
сын  жан-жақты  талдаудан  өткізген  мұғалімдер  тестілік  
талдаудың  нәтижесіне  сүйене,  алдағы  уақыттағы  жұмыс  
жоспарын құруы тиіс. Тестілік бағалаудың мынадай ережесі 
бар. Егер тест ережесі бойынша он сұрақ болса, оқушы сол  
сұрақтарға дұрыс жауап бере алған жағдайда 10 ұпай алып, 
«5» бағасына ие болады. Берілген тапсырманың сегіз-тоғыз 
сұрақтарына жауап дұрыс берілсе – «4», алты-жеті сұраққа 
жауап берілсе, «3» деген баға қойылады. Оқушы  төрт-бес 
сұраққа дұрыс жауап қайтарса, «2» қойылады, ал үштен ғана 
тапсырма орындалса, оқушы «1»  деген баға алады.
Тест бірнеше нұсқадан жасалса, оқушылар қайтарылған  
жауапты бірінен-бірі көшіре алмайды. Мұндайда әр оқушы 
өзіне  берілген  тест  тапсырмаларымен  шұғылданатын  
болады. 
Мектепте  оқушы  білімін  бекіту,  қайталау,  алған  білімді  
жүйелеу  және  бақылау  мақсатында  пайдалануға  болатын 
тестінің бірнеше түрлері бар.
Тестінің түрлері:
1.  Толықтыру  тесті.  Оқушыларға  тапсырма  сөйлем  

7
түрінде  беріледі  де,  сөйлемдегі  кей  сөз  орнына  (цифр, 
формула, сөз, т.б.) үш нүкте беріледі. Мұндай тапсырмадағы  
жауап қысқа тұжырымды, бір мәнді болуы шарт.
2.  Таңдамалы    тест.    Оқушыларға  берілген  тапсырма-
мен  қоса  оның  дұрыс  және  дұрыс  емес  жауаптары  беріле-
ді.  Тапсырма  кәртішке  арқылы  беріліп,  оның  жауабының  
саны  төртеуден  кем  болмағаны  жөн.  Оқушы  жауабы 
бағдарламаланған  құрылым  арқылы  немесе  перфокарта  
кілті  болады.
3. Еске түсіру тесті. Сұрақ нақты беріледі де, жауабы бір 
мәнді болуы шарт. Еске түсіру тестінің сұрақтарын  түзгенде 
сұрақ нақты, анық қойылады, ал жауабы сөз, сан, формула, 
т.б. түрде берілуі мүмкін.
4.  Сәйкестендіру  тесті.  Мағынасы  бір-бірімен  байла-
нысты  тапсырмалардың  екі  бағанға  әр  түрлі  ретпен 
орналастырылуы.  Мұндай  тесті  жасауда  бірінші  бағанда  
қысқа тұжырымды сөйлем болса, екінші бағанда сәйкес сөз, 
белгі,  сызба  болуы  керек.  Сөйлем  саны  5-тен  15-ке  дейін  
болса – екінші бағандағы сөз, белгі, сызба, нұсқа, т.б. саны 
екі-үшеуі артық болғаны. 
5.  Реттік  тесті.  Бақылау  нысаны  (құбылыс,  шамалар, 
формула,  т.б.)  ретімен  жазылуы  (айтылуы)  керек.  Тест  
тапсырмасы  дайындалғанда  оның  саны  10  шақты  болғаны 
жөн. 
6.  Аралас  тест.  Оқушыға  берілетін  тапсырма  әр  түрлі  
тест түрінде (толықтыру, таңдамалы, т.б.) беріледі. 
7.  Кәсіптік  бағдар  тесті.  Мазмұнына  қандай  да  бір  
кәсіптің пәндік оқыту кезеңінде айқындалуына немесе одан 
бір мағлұмат алатынына негізделеді.
8.  Баламалы  тест.  Тестің  бұл  түрін  жасауда  жауабын  
білуге ықпал ететін сөзден аулақ болған жөн. Сөйлем қысқа 
тұжырымды,  мазмұнды, бір мәнді болғаны дұрыс. Тестінің  
мұндай түрінің жауабы сөзбен (дұрыс, дұрыс емес, иә, жоқ

8
   
   
 
немесе белгілер арқылы (+, -) беріледі. Мұндай  типтен тестік 
тапсырманы  графикалық  диктант  үлгісінде    пайдалануға 
болады.
Тестік  бақылау нормалары: біріншіден, тестік сұрақ-
тың  10-15-тен  кем  болмағаны  дұрыс;  екіншіден,  бағалауда 
субъективтіліктің  өте-мөте  аз  болуы  үшін  мазмұнына  сәй-
кес тестінің түрін дұрыс таңдай білу көп мәселе шешеді.
Тест  әдісінің  артықшылығы:  1)  тексерудің,  бақылау-
дың  объективтілігі;  2)  тест  арқылы  бағалау  нақты  әрі  
дифференциялды  сараланған,  даралық  сипатта;  3)  дәстүр-
лік тексеру әдісінен тиімдірек.
Тест  жүргізу  арқылы  ойға  алған  мақсат  тез  орындалады, 
уақыт  үнемделеді,  оқушылар  өзін-өзі  бақылайды.  Бақы-
лаудың тест әдісі арқылы қорытындысында  дарынды,  білгір  
оқушылар  анықталады.  Әлсіз  оқушылармен  жеке  жұмыс  
жүргізіліп, көмек беріледі.
                                                     Лена ЕЛУБАЕВА,
№39 «Қызылөзек» орта
мектебінің мұғалімі.
Қызылорда қаласы.
ҰЛТТЫҚ БІРЫңҒАЙ ТЕСТІГЕ 
ДАЙЫНДЫҚТЫң ТИІМДІ         
ЖОЛДАРЫ
Әдебиет  пәнінің  жас  ұрпақты  уақыт  талабына  сай 
тәрбиелеу  ісіне  қосар  үлесі  үлкен.  Оқушы  осы  пәннің 
талабын орындау үшін түрлі жанрдағы көркем шығармалар 
оқиды. Ол туындылар оқушының жақсы мен жаманның ара 

9
жігін  ажырата  білуіне,  адамгершілік  сезімінің  ұшталып, 
имандылық  қасиеттерінің    оянуына  септігін  тигізеді. 
Адамның рухани өсу мүмкіндігін оқыту үрдісінде барынша 
пайдалану – әдебиет пәнін оқытудағы  негізгі мақсаттардың 
бірі.  Әдебиетті  оқыту  мәселесін  әр  уақытта  адамдық 
парасатты  арттыру  тұрғысынан  қарауымыз  керек.  Әдебиет 
–сөз өнері, түсінгенге жанып тұрған жалын. Адам жанына 
жылу  шашатын  да,  сәби  жүрегіне    адамгершілік  нұрын 
құятын  да  –  әдебиет.  Сондықтан  да  мұғалім  сол  жалынды 
сөндіріп алмай, мәңгілікке жағатын құдірет иесі болуы керек.  
Ол үшін оқытудың инновациялық түрлі әдістерін меңгеріп, 
оны күнделікті сабақта дұрыс пайдалана білуі тиіс.
«Оқыту  үдерісінің  үш  түрлі  құрамды  бөлігі  бар, 
ол  –  ғылым,  шеберлік,  өнер»  дейді  белгілі  педагог 
В.А.Сухомлинский.  Осы үш түрлі қасиет мұғалім бойынан 
табылса,  сонда  ғана  ол  сабақ  үстінде  білімділік,  тәрбиелік 
мақсаттарды ұштастыра жүзеге асырады.
«Ең  ұзақ  сөйлемнің  де  соңынан  қойылатын  нүктесі 
бар»  (Ғабиден  Мұстафин)  дегендей,  мұғалімдер  мен 
оқушылар үшін ең шешуші соңғы нүкте – Ұлттық бірыңғай 
тестісі  болып  отыр.  Ұлттық  бірыңғай  тестісінің  сапалы 
өтуі  –  алдымен,  мұғалімдер  мен  оқушылардың  уақытты 
тиімді  пайдалануында.  Ұлттық  бірыңғай  тестідегі  таңдау 
пәндерінің  бірі  –  әдебиет.  Соңғы  жылдары  ҰБТ  кезінде 
әдебиет  пәнін  таңдайтын  оқушылар  өте  аз.  Оның  басты 
себептерінің  бірі  –  әдебиет  таңдағандарға  ұпайдың  өте 
жоғары  болуы  немесе  таңдайтын    мамандық  түрлерінің  аз 
болуы  әрі  әдебиет  пәнінің  сұрақтарының  алуан  түрлілігі. 
Сондықтан  әдебиет  пәнін  таңдаған  оқушыларды  дайындау 
үшін тиімді жолдарын табу қажет.
ҰБТ-ға  оқушыларды  әдебиет  пәнінен  дайындау  үшін 
жасаған жұмыс жоспарым:
1.  Әдебиет  пәнін  таңдаған  оқушылар  арасында  са-

10
уалнама жүргізу.
2.  Қазақ  әдебиетінен  ұлттық  бірыңғай  тестілеуге  да-
йындық курс бағдарламасы.
3.  Қазақ  әдебиетінен  тестке  дайындыққа  қатысты  
пайдаланылған оқулықтар тізімі.
4. Қосымша пайдалануға болатын оқулықтар тізімі.
5. Психологиялық дайындық.
1. Сауалнама
р/с
Сауалнама мазмұны
Иә Жоқ
Білмей-
мін
1
Әдебиет сенің сүйікті сабақтарыңның 
қатарына ене ме?
2
Пән мұғалімі саған ұнай ма?
3
Сен өзіңді бұл пәнді жақсы білемін 
деп есептейсің бе?
4
Өзіңе қажетіңді әдебиет пәнінен таба 
аласың ба?
5
Бұл пәннен тереңірек білім алғың 
келе ме?
6
Әдебиет сенің өмірлік тәжірибеңді 
байытуға септігін тигізе алады деп 
ойлайсың ба?
7
Осы пән сенің сенімді серігіңе, 
өміріңнің мәніне айналуы мүмкін бе?
8
Оқулықта берілетін тапсырмалар
әңгіме-өлеңдер, т.б. саған ұнай ма?
9
Сен әдебиетті ешкімнің көмек нұс-
қауынсыз-ақ өз бетіңше қызыға 
оқисың ба?
10
Сен таңдаған мамандығыңның бұл 
пәнмен байланысы бар ма?
11
Газет-жұрналдарға мақала жазуға 
талпынып көрдің бе?
12
Өзіңнің әдебиетші не жазушы болып 
қалыптасуыңды қалар ма едің?
13
Ата-анаңмен бұл жөнінде әңгіме-
лестің бе?
14
«Әдебиет кез келген адамның құнды 
сапаларын қалыптастыруда маңызы 
зор» дегенге келісесің бе?
15
Сен әдебиетті өзгелерден артық 
бағалаймын деп ойлайсың ба?

11
16
Әдеби салада сыныптастарың біле 
бермейтін тың мағлұматтарды  
білемін деп ойлайсың ба?
17
Пән бойынша түрлі байқауларға, 
олимпиадаларға қатысқың келе ме?
18
Үйде әдебиеттен берілетін тапсыр-
маларды бірінші кезекте орындайсың 
ба?
19
Мұғалім талабынан да артық білім 
алуды қалар ма едің?
20
Өзге пәндерді ысырып қойып, әдеби 
кітаптарды ұзақ оқитын сәттерің жиі 
кездесе ме?
2.  Қазақ  әдебиетінен  ұлттық  бірыңғай  тестіге 
дайындық курс бағдарламасы
(Барлығы – 34 сағат, аптасына – 1 сағат)
р/с
Жұмыс түрлері
Сағат 
саны
1
Ежелгі дәуір әдебиеті.   Көне түркі әдебиеті. 
1
2
Ислам дәуіріндегі әдебиет және Алтын орда – 
Қыпшақ дәуіріндегі әдебиет.
1
3
Халық ауыз әдебиеті.  Тұрмыс-салт жырлары, 
ертегілер, 
1
4
Шешендік сөздер, айтыс түрлері.
1
5
Эпостық, лиро-эпостық жырлар  (тест )
1
6
ХV-ХVІІІ ғасыр әдебиеті.  Жыраулар поэзиясы. 
Асан қайғы, Шалкиіз жырау, Ақтамберді жырау.
1
7
Үмбетей жырау, Доспамбет жырау, Жиембет жырау,  
Шал ақын.
1
8
Бұқар жырау Қалқаманұлы шығармашылығы.
1
9
ХІХ ғасырдың І жартысындағы әдебиет.  Дулат 
Бабатайұлы, Махамбет Өтемісұлы шығармашылығы.
1
10
Абыл Тілеуұлы, Майлықожа Сұлтанқожаұлы,  
Қашаған Күржіманұлы, Мұрат Мөңкеұлы.
1
11
Сүйінбай Аронұлы ,Шортанбай Қанайұлы, Шәңгерей 
Бөкеев   (тест) 
1
12

Каталог: uploads -> magazine -> pdf
pdf -> «Қазақ тілі мен әдебиеті» және «Ұлағат» жауапкершілігі шектеулі серіктестігінің ай сайын шығатын Республикалық
pdf -> АҚпан 2011 февраль ақылдастар алқасы: Зейнеп ахметова, Бөлек аманбаева, Мұзафар
pdf -> Мектебінде
pdf -> Мектебінде
pdf -> Мектебінде
pdf -> Мектебінде
pdf -> Мектебінде
pdf -> Жүсіп баласағҰНИ
pdf -> «Қазақ тілі мен әдебиеті» және «Ұлағат» жауапкершілігі шектеулі серіктестігінің ай сайын шығатын Республикалық
pdf -> Мақсатым – тіл ұстартып, өнер шашпақ

жүктеу 2.63 Kb.

Поделитесь с Вашими друзьями:
  1   2   3   4   5   6   7   8   9   10




©emirb.org 2020
әкімшілігінің қараңыз

    Басты бет